🏆 ખેરગામના પત્રકાર શ્રી જીગ્નેશભાઈ પટેલને “બેસ્ટ પત્રકાર એવોર્ડ”થી સન્માન

   🏆 ખેરગામના પત્રકાર શ્રી જીગ્નેશભાઈ પટેલને “બેસ્ટ પત્રકાર એવોર્ડ”થી સન્માન

પત્રકાર વેલફેર એસોસીએશન, વલસાડ દ્વારા આયોજિત ભવ્ય “મીડિયા એવોર્ડ સમારંભ”માં ખેરગામના યુવા અને નિષ્પક્ષ પત્રકાર શ્રી જીગ્નેશભાઈ પટેલને “બેસ્ટ પત્રકાર એવોર્ડ”થી સન્માનિત કરવામાં આવ્યા હતા. માનનીય ધારાસભ્ય ભરતભાઈ પટેલના હસ્તે તેમને એવોર્ડ અર્પણ કરવામાં આવ્યો હતો.

આ પ્રસંગે તેઓ નવજીવન ન્યૂઝ લેખક તથા વરિષ્ઠ પત્રકાર એડિટર પ્રશાંત દયાળ સાથે યાદગાર પળોના સાક્ષી બન્યા હતા.

શ્રી જીગ્નેશભાઈ પટેલ છેલ્લા ઘણા સમયથી સમાજલક્ષી, જનહિત અને સ્થાનિક પ્રશ્નોને લગતા સમાચાર નિર્ભયતાપૂર્વક રજૂ કરી પત્રકારત્વ ક્ષેત્રે મહત્વપૂર્ણ યોગદાન આપી રહ્યા છે. તેમની કાર્યશૈલી, નિષ્પક્ષતા અને સમાજ પ્રત્યેની પ્રતિબદ્ધતાને ધ્યાનમાં રાખી આ સન્માન આપવામાં આવ્યું હતું.

કાર્યક્રમમાં મુખ્ય મહેમાન તરીકે ગુજરાત સરકારના કેબિનેટ મંત્રી (નાણા અને શહેરી વિકાસ વિભાગ) શ્રી કનુભાઈ દેસાઈ તથા વરિષ્ઠ પત્રકાર અને નવજીવન ન્યૂઝના એડિટર શ્રી પ્રશાંત દયાળ ઉપસ્થિત રહ્યા હતા.

અતિથિ વિશેષ તરીકે ગુજરાત સરકારના કેબિનેટ મંત્રી (આદિજાતિ વિકાસ, અન્ન અને નાગરિક પુરવઠા તથા ગ્રાહક સુરક્ષા વિભાગ) શ્રી નરેશભાઈ પટેલ, માનનીય લોકસભા સાંસદ શ્રી ધવલ પટેલ, વલસાડ જિલ્લા પોલીસ અધિક્ષક શ્રી યુવરાજસિંહ જાડેજા, કલેક્ટર શ્રી ભવ્ય વર્મા, જિલ્લા BJP પ્રમુખ શ્રી હેમંત કંસારા, ગુજરાત પ્રદેશ ભાજપ મંત્રી શ્રીમતી સોનલબેન સોલંકી તેમજ ધારાસભ્ય શ્રી ભરતભાઈ પટેલ ઉપસ્થિત રહ્યા હતા.

આ કાર્યક્રમ તા. 17 મે 2026ના રોજ સવારે 10:30 કલાકે શાંતિવન પાર્ટી પ્લોટ હૉલ (A.C.), વશીયર, વલસાડ ખાતે યોજાયો હતો.

આ સન્માન મળતા ખેરગામ સહિત સમગ્ર વિસ્તારમાં આનંદ અને ગૌરવની લાગણી વ્યાપી ગઈ હતી. વિવિધ આગેવાનો, મિત્રવર્તુળ અને શુભેચ્છકોએ શ્રી જીગ્નેશભાઈ પટેલને હાર્દિક અભિનંદન અને શુભેચ્છાઓ પાઠવી હતી.